Birneshe kún buryn halyqaralyq mýzykalyq irgeli konkýrstardyń biri – "Eýrovıdenıege" Sergeı Lazarev qana emes, onyń áriptesi, belgili ánshi Alsý da qatysady degen aqparat tarady ǵalamtorda. Sergeı Lazarev Reseı atynan qatysýshy bolyp barýdy josparlasa, Alsý qorytyndy kórsetkishterdi habarlap turýy tıis-tin dep habarlaıdy Qamshy.kz aqparat agenttigi Vestı baǵdarlamasyna silteme jasap. 

Alsýǵa bul konkýrs bóten emes. 19 jyl buryn "Solo" ánimen qatysyp, júldeli ekinshi oryndy qanjyǵasyna baılaǵan.

Desek te, kúni keshe atalmysh konkýrsty tikeleı efırde kórsetetin "Rossıa-1" telearnasy "Vestı" baǵdarlamasy arqyly Reseıdiń eńbek sińirgen ártisiniń iri baıqaýǵa barmaıtynyn jetkizdi. Alǵashynda Alsýǵa júktelgen mısıany pıanınonyń qulaǵynda oınaıtyn mýzykant Ivan Bessonov atqaratyn bolyp bekitilipti.

Eń qyzyǵy – bul sheshimniń sebebiniń ánshiler tarapynan aıtylmaýy. Túrli boljamdardyń túbi ótken aptadaǵy Alsýdyń qyzy qatysqan "Golos. Detı" shoýynyń qorytyndysyndaǵy daýmen baılanysyp otyr. Óıtkeni, atalmysh baıqaýdyń nátıjesinde Alsýdyń qyzy jeńiske jetip, kórermender bul jeńistiń ádil jolmen kelgenine kúmándanǵan jáne qoǵamdyq daý týyp ketken-di.

Atalǵan jańalyqqa baılanysty halyqtyń basym kópshiligi Alsý men onyń qyzynyń tarapyna jaǵymsyz pikir qaldyrýda. 

Aýdarǵan: Ádilet Mádenıet