Qazaqstandyq oqýshylar Ábý-Dabıde ótken jıý-jıtsýdan álem birinshiliginen altyn medal alyp keldi dep habarlaıdy Qamshy.kz aqparat agenttigi ktk.kz saıtyna silteme jasap.
Olardyń jetistigine búkil Qazaqstan qýanyp jatyr. Sebebi, Anna Vodolazova men Lúbov Temnıkova - tul jetim balalar. Mekemeniń dırektory Gúlmıra Qondybaevanyń aıtýynsha, balalar úıiniń tárbıelenýshileri bos ýaqyttarynda túrli úıirmelerge qatysady, dep jazady QazAqparat. Olardyń biri - 12 jastaǵy Anna Vodolazova, balalar úıine kishkentaı kezinde baýyrymen birgen ornalastyrylǵan. Ata-anasy erterekte qaıtys bolǵan.
«Aná 1 jyldan beri jıý-jıtsýmen aınalysyp keledi. Osy ýaqyt aralyǵynda oblystyq, qalalyq jarystarda kóp jetistikke jetken. Bul qyzymyz BAÁ-de ótken álem chempıonatynda eki qarsylasyn merziminen buryn tize búktirip, altyn medalge qol jetkizdi. Ekinshi qyzymyz Temnıkova Lúbov 3-orynǵa taban tirep, qol júldege qol jetkizdi. Bul qyzymyz da balalar úıiniń tárbıelenýshisi. Aǵalary bizde tárbıelenip, ósip, er jetti. Ata-anasy Lúbovtyń sábı kezinde kóz jumǵan. Qapshaǵaı qalasynda turǵan. Lúbov ta fýtbol, basketbol jáne taǵy basqa sport túrlerimen shuǵyldanady. Qazaq mektebine barady. Baýyrlarynyń báriniń tili qazaqsha shyqqan. Al Aná Vodolazova horeografıamen aınalysady. Eki qyzymyzdyń da bolashaǵynan kóp úmit kútemiz», - dedi balalar úıiniń dırektory Gúlmıra Qondybaeva.
Anna Vodolazova chempıonatqa barǵandardyń ishinde aq belbeýli jalǵyz sportshy bolǵan. Onyń qarsylastarynyń kópshiligi sur belbeýdiń ıegerleri eken (sur belbeý aq belbeýden joǵary turatyn dáreje). Ózinen oq boıy ozyq turǵan qarsylastaryn Aná op-ońaı jeńgen. Qyzdardy "SAMURAI" akademıasynda Albert Aldıarov baptap keledi.
Pikir qaldyrý