GGG Promotions kompanıasynyń baqylaýshy dırektory Tom Leffler ataqty kásibı boksshynyń atynyń jazylýyn ózgertkenin jáne onyń ne sebepten bulaı jasaǵany týraly aıtty dep habarlaıdy Qamshy.kz aqparat agenttigi Sports.kz portalyna silteme jasap.

"Onyń aty "Djennadıı" emes, "Gennadıı". Biz marketıń, jarnama jáne jalpy áleýmet úshin osy ýaqytqa deıin onyń esimin "Gennady" dep keldik. Durysynda onyń esimi latyn qarpi boıynsha "Gennadiy" dep jazylýy tıis. Bul – tehnıkalyq ózgeris. Eger kimde-kim bul esimdi jattaý qıyn dese, Triple G dep qoldansyn. "Mıllıardery" serıalynda da boksshyny osylaı ataıdy. Siz osyndaı deńgeıge jetken kezde, boks sheńberinen áldeqashan shyǵyp ketkenińizdi túsinesiz. Ol O2 Arena, "Medıson Skver Garden", T-Mobile Arena sıaqty úlken arenalarda shoý jasap, eldiń súıiktisine aınaldy. Ony kúlli álem jaqsy kóredi", - deıdi Tom Leffler.

Golovkın óz atyndaǵy áripterdi ózgertip jatqanda, onyń jankúıerleri boksshynyń laqap atyn ózgertip jiberdi. Abel Sancheske aqsha qımaı, sarańdyq jasady degen pikirdegi jankúıerler ony "Aqsha" (Money) dep atady.

Abel Sanches pen Golovkınniń de eki jolǵa bólingeni jankúıerlerge asa unaı qoıǵan joq. Kez-kelgen satylymnan, túsimnen bas bapker 10 paıyz úles alýy kerek bolǵan. Golovkın ony 2 paıyzǵa deıin qysqartqan kezde Sanchestiń ókpesi qara qazandaı bolyp, kelisimshartty buzǵan edi. Al Golovkın bolsa ózine jańa bapker taýyp úlgeripti. Onyń esimi senbi kúni jarıa bolmaq.  

Eske sala keteıik, "Aqsha" degen laqap at boks áleminde bar. Ol kishi Floıd Meıvezerge tıesili.

Usynǵan: Ádilet Mádenıet