Gollıvýd fılmderiniń úzdik senarılerine bergisiz bul jaǵdaı Anglıa azamatynyń basynan ótken. Martın Pıstorıýs uzaq ýaqytqa sozylǵan komalyq jaǵdaıdan shyǵyp qana qoımaı, jyldarǵa sozylǵan uıqy kezindegi sanasyndaǵy ózgerister men sezimderi týraly da aıtyp berdi.

Ózge kúnderden esh erekshelenbeıtin, kúndelikti kúıbeńmen ótip jatqan bir kúni Martın ózin jaısyz sezinedi. "Jáı sýyq tıgizip alǵan bolarmyn" degen oımen uıyqtap, tynyǵyp alýdy jón sanaıdy. Biraq, sol uıqyǵa ketkennen bastap keıipker sóıleý men qımyl-qozǵalys jasaý qabiletinen aıyrylady. Tyńǵylyqty tekseris júrgizgen dárigerler oǵan koma degen dıagnoz qoıady.

2 jyl ýaqyt ótken soń ǵana keıipker esin jıǵan. Aqyl-esi, oılaý júıesi barlyǵy bastapqy qalpyna qaıta oralady. Biraq, sóılep, qımyl-qozǵalys jasaı almaǵan soń óziniń oıanǵanyn aınalasyndaǵylarǵa aıta da, kórsete de, sezdire de almaıdy. Osy sebepti de Martınge ózimen-ózi bolyp, taǵy da baqandaı 10 jyl ýaqytty qur ótkizýge týra keldi.

Martın óziniń on jyl boıy oıymen ońasha bolǵanyn jetkizdi. On jyl boıy dosy da, áńgimelesetin syrlasy da óz sanasy bolǵan. Solaı jatyp, ol matematıkalyq qıyn esepterdi sheshken eken. Arada on jyl ótkende ǵana onyń qozǵalý qabileti oıana bastaǵan. Dárigerler onyń komadan oıanǵanyn bilip, dereý qalpyna keltirý ortalyǵyna jetkizip, Martınmen jumys jasaı bastaǵan.

Mine, 12 jyldan keıin ǵana Martın óziniń qalpyna keldi. Dendegen dertti jeńip, otbasyn quryp, oqý támámdaǵan Martın sıaqty azamattar kemde kem shyǵar, sirá?!

Aýdarǵan: Dáýren Sybanbaı