Kók sharlar, Georgıı lentasyna qarsylyqtar, UOS ardagerlerine qarsy shyǵý, Máńgilik alaý men Ekinshi dúnıejúzilik soǵystyń estelikterine ózge kózqaras qalyptastyrý sıaqty Áblázovtyń "tosynsyılarynyń" sanyn tize berýge bolady. Mamyr aıyndaǵy opozısıalyq qozǵalystyń beldi múshesi Muhtar Áblázovke qatysty saıasatker Sultanbek Sultanǵalıev Karavan saıtyna suhbat erdi dep habarlaıdy Qamshy.kz aqparat agenttigi.

"Muhtar Áblázovtyń mamyr aıyndaǵy merekeler qarsańynda halyqty ruqsat etilmegen sherýlerge shaqyrýy – arazdyq týdyrýdyń aıqyn kórinis. Ol bul tıptegi sharalarǵa qatysqan azamattardy polısıanyń aıaýsyz jazalaıtynyn jaqsy biledi. Ruqsat etilmegen sherýler uıymdastyrý – beıbit sherýler týrasyndaǵy qazirgi zańdy buzý bolyp sanalady", - deıdi belgili saıasatker.

Onyń aıtýynsha, belsendi oppozısıonerge bul tásildi ýaqyt saıyn qaıtalap otyrý paıdaly. Óıtkeni, ol osy aılasy arqyly óziniń basyna tónip turǵan Qazaqstanǵa, Reseıge, Ýkraına men Shveısarıaǵa ekstradısıalaý qaýpin seıilte túsedi. Muhtar Qabyluly atalǵan elderde qarjylyq qylmysy úshin izdestirilýde. Al Otanynda kisi ólimine qatysy bar degen de sybys bar.

"Qoryta aıtqanda, bulardyń bári qýlyǵyna quryq boılamaıtyn saıasatkerdiń tehnologıalary. Áblázovty qazirgi júıege adal túrde qarsy turyp júrgen "jaýynger" dep aıtý qısynsyz", - dep túıdi sózin saıasatker.

Sondaı-aq, Sultanbek Sultanǵalıev sherýge múgedektermen, kishkentaı balalarymen shyqqan azamattar da álgi aılanyń qurbany ekenin aıtty. Bul jymysqy tásil arqyly ol qoǵamdaǵy shýdyń úlesin arttyra túspek.

Aýdarǵan: Ádilet Mádenıet