Ramazan aıynda oraza ustaǵan adamǵa budan buryn eshbir úmbetke berilmegen bes túrli qasıet beriledi, dep jazady Qamshy.kz aqparat agenttigi islam.kz saıtynyń deregin negizge alyp. 

Imam Ahmettiń Ábý Hýraıradan (r.a.) jetkizgen rıýaıatynda Allanyń Elshisi (s.a.ý.) oraza tutýshynyń erekshe qasıetteri jaıynda bylaı deıdi: "Meniń úmbetime Ramazan aıynda budan buryn eshbir úmbetke berilmegen bes túrli qasıet berildi".

Olar:

1. Oraza tutýshynyń aýzynyń ısi Allanyń aldynda hosh ıisti mıskten, sózsiz, artyq bolady;
2. Aýyzdaryn ashqansha perishteler olar úshin Alladan ıstıǵfar tilep turady;
3. Alla Taǵala Ramazan aıynyń árbir kúni jánnatyn bezendirip oǵan: "Meniń izgi quldarymnyń aýyrtpalyqtar men taýqymetterin tastap, saǵan kiretin kúni jaqyn qaldy", - deıdi;
4. Bul aıda jyndardyń birazy shynjyrlanyp, basqa aılarda isteıtin nárselerin isteı almaıdy;
5. Al sońǵy túni bolǵanda olardyń (musylmandardyń) kúnálary keshiriledi. Sahabalar: "Ýa, Rasýlalla! Ol tún Qadir túni me?"- dep suraǵanda, ol (s.a.ý.) "Joq, jumysshy da isin tolyq bitirgen soń óziniń syıyn almaýshy ma edi? Sol sıaqty", - degen eken. 

Usynǵan: Ásel Bolatqyzy