Qaraǵandylyq otbasy ózderiniń ómirge kelgen kishkentaı sábılerine Deınerıs dep atqoıdy. Bul esim «Igra prestolv» serıalynyń keıipkerine uqsatyp qoıyldy dep habarlaıdy Qamshy.kz aqparat agenttigi Tengrinews.kz. saıtyna silteme jasap.

Kishkentaı Deınerıs 26-sáýir kúni kómirli astanada dúnıege kelgen. Oǵan osyndaı erekshe esim berýdi ata-anasy birneshe jyl buryn sheship qoıǵan.

"Kúıeýim "Igra prestolov" serıalyn kóre bastady. Biraq ol maǵan unamaıtyn. Men tek osy esimdi kezdeısoq estip qalyp, birden unattym. Keıinnen men de bul serıaldy turaqty túrde kóre bastadym", - deıdi Deınerıstiń anasy Rımma.

Kúıeýi bolashaq sábılerine serıal keıipkeriniń atyn berý usynysyn qýana-qýana qabyl alǵan. Al jubaılaprdyń ata-analary buǵan qarsy bolypty.

"Bári bizge qarsy boldy. Meniń anam qyzyma osyndaı esim bersem, perzenthanaǵa kelmeıtinin aıtty. Ol dástúrli esimderdi qup kórgen. Biraq bul meniń balam ǵoı. Oǵan qandaı esim bersem de quqyǵym bar. Qazir bári qalpyna keldi. Eń bastysy – qyzymyzdyń deniniń saý bolǵany. Dárigerlerge úlken alǵys bildiremin. Barlyǵy sátti ótti. Úlken ulymyzdyń esimi de erekshe – Adrıan. Bul esimdi tabý úshin de ǵalamtordy túgel qarap shyqqanmyn", - dep túıdi sózin Deınerıstiń anasy.

Qazir Deınerıs úıinde. Jaǵdaıy jaqsy. Úlken aǵasymen oınaǵandy, serýendegendi jaqsy kóredi. Anasy onyń serıal keıipkerine tek aty uqsaıtynyn, ómiriniń ondaı bolǵanyn qalamaıtynyn aıtady. Qyzynyń deni saý, aqyldy, sulý ári bilimdi bolyp jetilgenin qalaıtynyn jetkizdi. 

Aýdarǵan: Ádilet Mádenıet