Bala - bizdiń bolashaǵymyz Ómirdiń eń bir qyzyǵy, ol - tálim - tárbıe berý Ál - Farabı Bala tárbıesi qaı zamannyń, qaı qoǵamnyń bolsyn, oıshyldary men zıalylaryn tolassyz tolǵanysqa, úzdiksiz izdeniske túsirgeni kúmán týǵyzbaıdy. Shyǵystyń ǵulama ǵalymy Ál - Farabı: «Jas jetkinshekterińizdi kórsetińiz, men sizderdiń bolashaqtaryńyzdy aıtyp bereıin, - dese, Bolashaq urpaq jaıynda Elbasymyz N. Á. Nazarbaev óz Joldaýynda: « Qazirgi zamanda kez - kelgen memlekettiń tynys tirshiligin qalypty ustap turýdyń asa mańyzdy sharty - adamdardyń ózderi, olardyń erik - jigeri, qajyry, bilimi bolyp tabylady. Ata - analar óz balalaryn ómirge daıarlaýǵa erekshe kóńil bólýi tıis. Olar qazirgi balalar eldiń bolashaǵyn anyqtaıtyn HHl ǵasyrdyń eresek adamdary ekenin túsinýi qajet»- dep kórsetti. Al tárbıe degenge M. Jumabaev: «Tárbıe - adam balasyn kámil jasqa tolyp, ózine - ózi qoja bolǵansha tıisti azyq berip ósirý»- degen eken. Sonda bala tárbıesi ana sútinen bastalyp, bireýdiń bireýge yqpaly arqyly qalyptasatyn kúrdeli is. Bala qamyn oılaǵan babalarymyzdyń aıtqandarynan túıgenimiz - qaı qoǵamnyń bolsyn kótergen máselesi – bala janyna izgilik dánin egý. Sebebi bala - ómirdiń jalǵasy, máni men sáni. Sondyqtan da halyq balany kóńildiń gúli, kózdiń nury dep uqqan. Kezinde urpaq tárbıesi, el taǵdyry jóninde eleýli eńbekter jazyp, atalyq aqyl aıtqan ǵalym - profesor B. Kenjebaev: «Bala – bizdiń bolashaǵymyz. Bolashaǵyna nemquraıly halyqtan eshteńe kútýge bolmas edi. Qazaqta «Uıada ne kórse ushqanda sony iler» - degen mátel bar. Osyny jaqsy túsingendikten de OQO bala tárbıesine baǵyttalǵan túrli mádenı is-sharalardy uıymdastyryp keledi. Sonyń biri  Shymkentte balalarǵa arnalǵan kórme ótti. Alǵash ret uıymdastyrylǵan sharaǵa balalar oınaıtyn oıynshyqtan bastap kıim-keshekke deıin qoıylǵan. Kórmede otandyq taýar óndirýshiler men qosa shetelderden ákelingen ónimder oryn alǵan. Otandyq kásipkerlerge qoldaý kórsetý maqsatynda uıymdastyrylǵan sharany tamashalaýǵa kelgen halyqtyń qarasy qalyń. Uıymdastyrýshylar bul kórme jergilikti iskerlerdiń áriptestik baılanys ornaýtyna jol ashyp, saladaǵy túıtkildi máselelerdi ortaǵa salýǵa múkindik beredi deıdi.