«2020 jylǵa qaraı qalalyq jáne aýyldyq jerlerdegi balalardyń bári mektepke deıingi oqytý jáne tárbıemen qamtylýy kerek. Bizde ol úshin barlyq múmkindik bar, áleýetimiz joǵary, memlekettik-jeke menshik áriptstik – bári bar», - dep eske saldy Nursultan Ábishuly. Elbasy «Nurly jol» atty kezekti Joldaýynda mektepke deıingi uıymdardaǵy oryndar tapshylyǵyn barynsha azaıtýdy tapsyrdy. Ol úshin Prezıdent 20 mlrd. teńge qosymsha qarajat bólýdi buıyrdy. Demek, kóp uzamaı ondaǵan balabaqsha ashylady degen sóz. Bul balabaqshalardy ashý barysynda jergilikti organdar mektepke deıingi osy mekemelerde jumys isteıtin tárbıeshiler men meńgerýshilerdiń kásibı deńgeıin de nazardan tys qaldyrmaýy shart. Osy oraıda Saıram aýdanynda 160 oryndy jańa balabaqsha paıdalanýǵa berildi. Zaman talabyna saı salynǵan eki qabatty «Baqdáýlet-Grıb» balabaqshasynda 40-qa jýyq azamat turaqty jumyspen qamtylǵan. Bul týraly oblys ákiminiń baspasóz qyzmeti habarlaıdy. Balǵyn balalarǵa qýanysh syılap, mektepke deıingi mekemeni salýǵa demeýshilik jasaǵan — jeke kásipker Sıqymbaı Saǵyndyqov. Úsh tilde bilim beretin balabaqshada órenderdiń alańsyz tárbıe alýyna jáne olardyń boıyna bilimniń alǵashqy negizin qalaýǵa qajetti jaǵdaıdyń barlyǵy jasalǵan. Munda eldigimiz ben birligimizdi dáripteıtin túrli úıirmeler men balǵyndardyń salaýatty ómir saltyn ustanýyna arnalǵan oıyn alańshalary da qamtylǵan. Jalpy, bıyl oblys aýmaǵynda balǵyndardy balabaqshamen qamtý maqsatynda jyl sońyna deıin 12 myń balany qamtıtyn 95 mektepke deıingi uıym paıdalanýǵa beriledi. Onyń 48-i memlekettik-jekemenshik seriktestik aıasynda ashylmaq.