Ońtústik Qazaqstan oblysynda quqyq qorǵaý salasy qyzmetkerleri áleýmettik sala mamandarymen birlese otyryp túrli qoǵamdyq is-sharalardy uıymdastyryp keledi. Bul týraly «Qamshy »portaly habarlaıdy. Ońtústik Qazaqstan oblysynda «Júrgizýshi – jaıaý júrginshi» atty respýblıkalyq keń masshtabty jedel-aldyn alý is-sharasy ótýde. Bul is-shara aıasynda shymkenttik polısıa qyzmetkerleri bir kúndik jumystaryn ádettegideı oryndarda emes, aýrýhanalarda ótkizdi. «Júrgizýshi, balanyń ómirin saqta!» degen uranmen uıymdastyrylǵan aksıa barysynda tártip saqshylary «Nursát» shaǵynaýdanyndaǵy balalar aýrýhanasyna baryp, jol apattary saldarynan jaraqattanǵan balalarmen kezdesti. Tártip saqshylary japa sheken búldirshinderdiń jaǵdaılaryn surastyryp, olardyń ata-analarymen sóılesti. Sondaı-aq, oqýshylarǵa túrli jumsaq oıynshyqtarmen qatar 30-dan astam sáýlege qarsy jaryq beretin bilezikti syıǵa tartty. Jol erejesi týraly múltfılm dıskileri úlestirildi. Al ata-analar júrgizýshilerge degen ókpe-nazdaryn jazyp, jol qozalysy kezinde saq bolýyn talap etetin arnaıy paraqshalardy toltyrdy. Endi avtokólik ıelerine arnalǵan barlyq ótinishter áleýmettik jelilerde jarıalanatyn bolady. Lýıza Ǵazıeva, OQO İİD ákimshilik polısıa basqarmasynyń ınspektory: «Bul is-shara 30 mamyrǵa deıin jalǵasady. Ózge aksıalardy jol-kólik oqıǵalarynan jaraqattanǵan balalardyń qatysýymen ótkizýdi josparlap otyrmyz. Plakattarmen kóshelerge shyǵyp, qulaǵy estimeıtin balalarǵa arnalǵan mektep-ınternattarǵa baramyz».