M. Jumabaev: «Tárbıe - adam balasyn kámil jasqa tolyp, ózine - ózi qoja bolǵansha tıisti azyq berip ósirý»- degen eken. Sonda bala tárbıesi ana sútinen bastalyp, bireýdiń bireýge yqpaly arqyly qalyptasatyn kúrdeli is. Bala qamyn oılaǵan babalarymyzdyń aıtqandarynan túıgenimiz - qaı qoǵamnyń bolsyn kótergen máselesi – bala janyna izgilik dánin egý. Sebebi bala - ómirdiń jalǵasy, máni men sáni. Sondyqtan da halyq balany kóńildiń gúli, kózdiń nury dep uqqan. Kezinde urpaq tárbıesi, el taǵdyry jóninde eleýli eńbekter jazyp, atalyq aqyl aıtqan ǵalym - profesor B. Kenjebaev: «Bala – bizdiń bolashaǵymyz. Bolashaǵyna nemquraıly halyqtan eshteńe kútýge bolmas edi. Qazaqta «Uıada ne kórse ushqanda sony iler» - degen mátel bar. Iá, talantty balalarǵa qoldaý kórsetýde OQO kósh basynda tur. Bolar balanyń betin qaqpaı, belin býdy bek ustanǵan OQO ákimshiligi daryndy balalardyń shyǵarmashylyǵyna jan-jaqty qoldaý bildirip keledi. Balalar mektep qabyrǵasynan salyq mádenıetin úırenýi kerek. Osy maqsatty kózdegen oblystyq memlekettik kirister departamenti arnaıy sýret baıqaýyn uıymdastyrǵan bolatyn. Aýdan-qalalardan qatysqan 200-deı ul-qyzdyń eńbekterin qazylar alqasy baǵalap, búgin úzdikterdiń esimin jarıalady. 9 jasqa deıingi balalar arasynda Ordabasylyq Jibek Nurǵalıqyzy, 12 jasqa deıingi jetkinshekter ishinen Áınel Altynbek, al 16 jasqa deıingi talantty balalar arasynda Jansaıa Ábdiálimova birinshi oryndy enshiledi. Endi daryndy balǵyndardyń eńbekteri Astanada ótetin respýblıkalyq baıqaýǵa jetkiziletin boldy.