Ýkraınada Krıvoı Rogtan alys emes jerde jolda bir top adam Jeńis kúnin merekeleıtin azamattarmen júretin avtobýsqa tas atyp, pıǵyldarynyń durys emsetigin bildirdi. Bul týraly  Facebook jelisindegi paraqshasynda Joǵary Radanyń depýtaty, "Opozısıalyq blok"  partıasynyń múshesi Aleksandr Vılkýl jazdy dep habarlaıdy Qamshy.kz aqparat agenttigi.

"Balaklavada radıkaldy toptyń adamdary  Jeńis kúnin toılaıtyn adamdarǵa tas laqtyrdy. Búlikshiler qoǵamdyq kóliktiń terezelerin syndyryp, izim-ǵaıym joq bolyp  ketti", - dep jazdy ol.

Vılkýldiń aıtýynsha, tergeý toby istiń anyq-qanyǵyna kóz jetkizip jatyr. Depýtat tergeý barysyn jiti qadaǵalap otyratynyn atap ótti.

Avtobýsqa shabýyl jasaǵan adamdardy, "moraldyq monstrlar" dep atady depýtat.

"Balaklavanyń artynda júzderin jasyryp, zeınetkerlerge, balalary bar adamdarǵa shabýyl jasady, olar áli-aq osy isterine ókinip, bizdiń halqymyzdyń násilshildikti jeńgen erligine qurmetpen qaraıtyn bolady", - dep tolyqtyrdy sózin Vılkýl. Ol eldegi tártipti qalpyna keltirýge jáne "baskeser lańkesterdi" tolyǵymen jazaǵa tartýdy usyndy.

2017 jyly beısenbi kúni, 9-mamyrda Ýkraına Prezıdenti Petr Poroshenko Ýkraınanyń sońǵy bes jylda Ekinshi dúnıejúzilik soǵystaǵy Jeńis kúnin toılaýdyń óziniń eline tıesili senarıin jáne rásimin jasap shyǵardy, bul dúnıe eldi jalpy eýropalyq dástúrge jaqyndatty. Ol ýkraınalyqtardyń "Kreml jeńisinen aıyrylǵanyn" atap ótti. Ol Ekinshi dúnıejúzilik soǵystyń jeńisi búkil álem boıynsha "aýyrtpalyqty" joıǵanyn, halyq qorqynyshsyz ómir súrip jatqanyn atap ótken.

Aýdarǵan: Bek Baıtas