Qazaqstandyqtardy Sırıadan evakýasıalaý operasıasy mamyr aıynyń 7-9 aralyǵynda ótti. Olardy elge qaıtarý úshin ushaq Aqtaý áýejaıynan ushqan bolatyn. Dál sol ushaqpen Aqtaýǵa 231 adam qaıtaryldy  dep habarlaıdy Qamshy.kz aqparat agenttigi "Lada" saıtyna silteme jasap.

"Ózderińmen birge tek kerek zattardy alyńdar, qalǵanyn keıin beredi", - degen eken qazaqstandyqtarǵa arnaıy qyzmetkerler.

"Jýsan-2" operasıasy nátıjesinde 59 áıel adam men 156 balany Otanyna qaıtardy. Olardyń ishinde 18 jetim bolǵan. Balalarǵa oıynshyq daıyndap qoıǵan. Eń kishkentaı balany arnaıy qyzmetkerler qoldaryna kóterip kelgen.

Olardyń arasynda sábıler de bolǵan. Elge qaıtarylǵan áıelderdiń biri úshinshi balasynyń dúnıege kelgenine jeti kún bolǵanyna aıtqan. Jasy 23-te eken. Onyń aıtýynsha, eki balasy men joldasy Irakta bombanyń astynda qalyp, qaza tapqan.

Birneshe bala soǵys kezinde alǵan jaraqattaryna baılanysty aýyr halde medısınalyq mekemege jetkizilgen.

Qazirgi tańda áıelder men balalar ońaltý ortalyqtaryna jetkizilip, dárigerler men psıhologtardyń qaraýynda.

Elge qaıtarylǵan qazaqstandyqtardyń ishinde 16-sy halyqaralyq terorıstik uıymdardyń qatarynda bolǵan. 

Sırıadan Qazaqstan azamattaryn qaıtarý sharaary jalǵasatyn bolady.

Usynǵan: Maqpal Sembaı