Nur-sultan qalasynda Esil ózenine batyp bara jatqan 12 jasar qyzdy qutqarǵan jigittiń kim ekendigi belgili boldy dep habarlaıdy Qamshy.kz aqparat agenttigi.

Ol týraly Erzhan Bagdatov esimdi azamat óziniń facebook-tegi paraqshasynda jazdy. 

Batyrdyń esimi - Erlan Raıymqulov. "Esil ózeninde qyzdy ajaldan aman alyp qalyp, ózi sýǵa ketken jigit Áýe qorǵanys kúshteriniń 47762 áskerı bóliminiń serjanty Erlan Raıymqulov. Onyń artynda áıeli men eki uly qaldy», -dep jazylǵan jazbada.

Eske sala ketsek, 10 mamyr kúni saǵat 12-10-da Esil ózeniniń «Gazmashapparatýra» saıajaı aýmaǵynda «Ortalyq óńirlik aeromobıldi jedel qutqarý jasaǵy» MM qutqarýshylary ıtiniń sońynan sýǵa sekirip, batyp kete jazdaǵan 2007 jyly dúnıege kelgen qyzǵa alǵashqy medısınalyq kómek kórsetti. Ózen saǵasynda balyq aýlap otyrǵan jigittiń arqasynda qyz aman qaldy. Ókinishke qaraı, qyzdy qutqarǵan 1981 jyly dúnıege kelgen azamat aǵysqa tótep bere almaı, sýǵa batyp ketken edi.

Usynǵan: Maqpal Sembaı