Ýkraınanyń jaqyn arada saılanǵan prezıdenti Vladımır Zelenskıı, qazirgi atqarýshy basshy Petr Poroshenkonyń Qarýly Kúshter jáne Joǵarǵy sot ishinde jasaǵan ózgeristerine tańdanǵanyn aıtty dep habarlaıdy Qamshy.kz aqparat agenttigi.
Mamyr aıynyń 10-juldyzynda, juma kúni Zelenskıı Poroshenkony burynǵy prezıdent dep atap, onyń "keri qaıtpaıtyn" baǵytty ustanǵanyn ashyp aıtty.
Zelenskııdiń aıtýynsha, Poroshenko áskerdiń joǵary qolbasshylyǵynda belsendi ózgerister jasap, teledıdar jáne radıo habarlaryn taratý jónindegi Ulttyq keńestiń tóraǵasynyń ornyna "Roshen" zańgerlerin, "Maıdan sýdıalaryn" taǵaıyndap, saıasatker Sergeı Kıvalovtyń týystaryn Joǵarǵy sot sýdıalarynyń ornyna jaıǵastyrmaqshy.
Sonymen qatar, Zelenskıı eks-prezıdent "general shenin" 20-dan astam adamǵa taratqandyǵyn aıtyp, qarý-jaraq qoımalarynyń basshylyǵyn qatań sógiske aldy.
Osy oraıda Zelınskıı Poroshenkony Egıpet qonaqúıindegi týrıspen salystyrdy: "Poroshenko shved ústelin jınap, súlgileri men aıaq kıimderdi alyp ketetin adam sekildi", - deıdi Zelenskıı.
Interfaks málimetine sáıkes, qazirgi ýaqytta Zelınskıdiń ulyqtaý rásimi týraly bes jobanyń qarary bar. Olar 19-mamyr, 20-mamyr jáne 1-maýsymda is-sharany ótkizýge arnalǵan usynystardan turady.
21-sáýirde Ýkraınada prezıdenttik saılaýdyń ekinshi týry ótti. Zelenskıı 73,22% daýysqa ıe boldy, eldegi qazirgi prezıdent Petr Poroshenko 24,45% aldy. Memleketti óz tizginine alǵan jańa basshysynyń ulyqtaý saltanaty saılaý nátıjesi jarıalanǵannan keıin 30 kún ishinde ótkizilýi tıis.
Usynǵan: Bek Baıtas
