Shymkentte ekinshi ret jasalǵan baýyr aýystyrý otasy oń nátıjesin berdi. Búgin Shymkent qalalyq jedel medısınalyq járdem aýrýhanasyndaǵy naýqastardyń jaǵdaıymen tilshiler qaýymy tanysyp, bas dárigerge, naýqastarǵa saýaldaryn qoıdy.
Túlkibas aýdanynyń 53 jastaǵy turǵynyna baýyrynyń jartysyn balasy bergen. Belarýstyq belgili transplantolog Oleg Rýmmonyń qatysýymen 11 saǵatqa sozylǵan operasıa 5 mamyr kúni jasaldy.
Alǵash ret baýyr almastyrý otasyn jergilikti dárigerler ótken jyly bastady. Bul — ekinshisi. Jasalǵan operasıadan soń qazir ananyń da, baýyryn bergen balasynyń da jaǵdaıy jaqsy.
