Bilim jáne ǵylym mınıstri Kúlásh Shámshidınova jumys berýshilerden qyzmetkerlerin 15 mamyr jumystan erte bosatýdy surady, dep habarlaıdy Qamshy.kz aqparat agenttigi mınıstrliktiń baspasóz qyzmetiniń deregin negizge alyp.

15 mamyr – Halyqaralyq otbasy kúni. Osyǵan oraı respýblıkada ata-analardyń jalpyulttyq jınalysy ótedi.

"Qurmetti ata-analar, Bilim jáne ǵylym mınıstrligi sizderdi atalmysh is-sharaǵa qatysýǵa shaqyrady. Bilim jáne ǵylym mınıstri Kúlásh Shámshidınova ata-analar balalary oqıtyn mektepke úlgerý úshin jumys berýshilerden qyzmetkerlerdi jumystan erte bosatýdy suraıdy", - dep jazylǵan habarlamada.

Jalpyulttyq jınalys kúni ata-analar mektepke kelip, oqý ornynyń basshylary, synyp jetekshileri jáne muǵalimderimen kezdesip, mazalap júrgen saýaldaryna jaýap alý múmkindigine ıe bolady.

Usynǵan: Ásel Bolatqyzy