Ýkraına áskeri Donbassty basyp alýy úshin bir kúnnen az ýaqyt ketedi dedi «1+1» telearnasynyń efırinde Ýkraınanyń birlesken kúshteriniń burynǵy komandıri Sergeı Naev. Bul týraly  news.rambler.ru saıtynda jarıalandy dep habarlaıdy Qamshy.kz aqparat agenttigi.

Onyń aıtýynsha, áskerı senarıde eń bastysy – Ýkraına shekarasyna jetip, sol jerde shoǵyrlaný úshin óte jyldam áreket etý.

Sonymen qatar Sergeı Naev, «bosatylǵan aýmaqtarda» Ulttyq gvardıa men Ulttyq polısıa arnaıy is-sharalardy bastaýy kerek dep atap ótti.

Buǵan deıin Novorossıa parlamentiniń eks-spıkeri Oleg Sarev NSN telearnasynyń efırinde, Ýkraınanyń Donbassty qaıtarý týraly málimdemesine ne sebepti mán bermeý kerek ekeni týraly túsindirgen bolatyn.

Esterińizge sala ketsek, Ýkraınanyń ońtústik-shyǵysyndaǵy qarýly qaqtyǵystar 2014 jyldyń kókteminde bastalǵan. BUU-nyń málimetine súıensek, bul qaqtyǵysta 10 myńnan astam beıbit turǵyn jazyqsyz qurban bolǵan.

Usynǵan: Marjan Sábet