RF Eńbek mınıstri Maksım Topılın reseılik tólqujat alatyn DHR jáne LHR turǵyndaryna zeınetaqy taǵaıyndaý sharttaryn aıtty, dep habarlaıdy Qamshy.kz aqparat agenttigi RIA Novostı saıtyna silteme jasap.

«Zeınetaqy alý úshin adam eń birinshiden Reseı aýmaǵynda tirkelýi kerek. Sondyqtan bul proses qalaı ótetinin qaraý kerek», - dedi Topılın.

Mınıstrdiń aıtýynsha, jańa azamattarǵa zeınetaqy tóleý Reseı búdjetine áser etpeıdi.

24-sáýir kúni Reseı prezıdenti Vladımır Pýtın LHR jáne DHR turǵyndaryna reseılik tólqujat alý jolyn jeńildetý týraly jarlyqqa qol qoıdy. Pýtınniń aıtýynsha, bul jaǵdaı tek gýmanıtarlyq sıpatta ǵana bolady. Sonymen qatar, memleket basshysy Reseıdiń áleýmettik mindettemesi búdjetke aýyr júk bolmaıtynyn jetkizdi.

DHR jáne LHR turǵyndaryna reseılik tólqujat berý quny birneshe jylda 100 mıllıard rúblge deıin ulǵaıady.

Aýdarǵan: Ildar Adılchenov