Aýyr salmaqta óner kórsetetin qazaqstandyq boksshy Alı Baloev (8-0, 7 KO), brıtanıalyq MTK Global kompanıasymen kelisimshartqa otyrýyna qatysty oıyn aıtty dep habarlaıdy Qamshy.kz aqparat agenttigi Vesti.kz. saıtyna silteme jasap.

Kelisimshartqa qol qoıylǵany týraly 13 mamyrda resmı jarıalandy. Kompanıa Baloevty "MTK Global galaktıkasyndaǵy jańa juldyz" retinde tanystyryp, "qazaqtyń sońǵy patshasy" dep atady. 

"Álemdegi úzdik menedjerlik kompanıamen kelisimshartqa qol qoıylǵanyn maqtan tutamyn. Olar maǵan maqsatyma jetýge kómektesedi degen senimdemin. Qazaqstandyq bokstyń altyn dáýiri kele jatyr, al Sultan Zaýrbek, Ábilqaıyr Shegalıev, Vıktor Kotochıgov, Nurtas Ájbenov jáne Jańqosh Turarov sıaqty boksshylary bar MTK Kazakhstan úlken kúsh. 

Meniń maqsatym bar - ol álem chempıony bolý. Bul kelisimshart meniń armanymdy jaqyn etedi, menedjerlerdiń komandasymen jumysty asyǵa kútemin", - dep keltiredi Baloevtyń sózin MTK Global baspasóz qyzmeti.

26 jastaǵy Baloev kásipqoı rıngte 2017 jyldan judyryqtasady. Ol Polshada bastap, Qazaqstan, AQSH jáne Reseıde jekpe-jekter ótkizgen. 

MTK Global isin júrgizetin ataqty boksshylar qatarynda Taıson Fúrı (27-0-1, 19 KO) jáne Bıllı Djo Sonders (27-0, 13 KO) bar. Qazir bul kompanıa bokspen ǵana shektelmeı, MMA-de is júrgizip kórýde.

Usynǵan: Maqpal Sembaı