Jaqynda Mańǵystaý oblysy ákimi Alık Aıdarbaev «Nobel qorynyń» eskertkish medalimen marapattaldy. Bul týraly «Qamshy» portaly habarlaıdy.

Qurmetti marapatty aımaq basshysyna áıgili Alfred Nobeldiń shóbere týysy Lúdvıg Fılıpp Nobel tapsyrǵan. Ol Ázirbaıjan astanasy Bakýde Nobeldiń munaı kompanıasyn, Sankt-Peterborda Nobeldiń óndiristik  ımperıasynyń negizin qalaýshy bolyp tabylady. Marapattaý rásimi atalmysh kompanıanyń qurylǵanyna 97 jyl tolýy qarsańynda – Aqtaýdaǵy Ázirbaıjan elshiligi ǵıamaratynda  ótken.

Qazaqstandaǵy «Ázirbaıjan kásipkerler assosıasıasy» men Ázirbaıjan elshiliginiń usynysy boıynsha «Nobel qorynyń» eskertkish medali – Mańǵystaý oblysy ákimi Serikuly Alık Aıdarbaevqa tabystalǵan.

«Bul medal jyl saıyn atalmysh qordyń jáne Nobel áýleti músheleriniń  sheshimimen tabystalady. Bıyl bul medaldy Mańǵystaý oblysy ákimine, óńirdegi munaı óndirý salasyn damytqany úshin, alǵys retinde berilip otyr. Bilesizde, 1899 jyly bizdiń atamyz Alfred Nobel tuńǵysh bolyp, shalǵaıda jatqan Qarashóńgelde munaı burǵylaý isine kirisip, alǵashqy munaı burqaǵyn ashqan bolatyn. Sol ýaqyttan beri Qazaqstan álemdegi eń iri munaı derjavasy atanyp keledi. Biz bárimiz munymen maqtanamyz»,-deıdi Fılıpp Nobel.