Ǵylymda RESENTIMENT  degen túsinik bar. Muny Abaı ólshemine aınaldyrsaq: «...Ózimniń ıttigimnen boldy demeı, jeńdi ǵoı dep shaıtanǵa bolar kómek».  Iaǵnı, óz miniń men kináńdi moınyńa almaı, ózgege jabý degen maǵynaǵa saıady.

Erteń  Qazaqıaǵa  Alla jetkizse, 31  MAMYR týady.  Bul barshamyzǵa belgili SAIASI  QÝǴYN-SÚRGİN   QURBANDARYN  ESKE  ALÝ  KÚNİ.

Dálirek aıtsaq, Stalın men Goloshekınniń jeti babasyn jeldeı kóshirip, arýaǵyna anofema aıtyp, qarǵys jaýdyratyn kún. Bul bizdiń turaqty túsinigimiz ben myzǵymas kózqarasymyzǵa  aınalǵany qashan...

Qurmetti  oqyrman qaýym, sizder  durys paıymdaǵandaryńyz  jón, biz bul arada  qos  qandyqoldy  aqtamaqqa  eshqandaı da  talpynys jasap  otyrǵanymyz joq.  ÓZİMİZDİ SÚTTEN AQ, SÝDAN TAZA, ÓZGELERDİ  KİSÁPİR  SANAITYN  sábı sanamyz (ınfantılızm) týrasynda ǵana azyraq sóz shyǵyndap otyrmyz. Aıtalyq, Keńes odaǵynyń tutas terıtorıasyn sharpyǵan qandy repressıadan  slaván tektesterdi sóz qylmaǵanda  qyrǵyzdan 38, tájikten 2, ózbekten 7,  AL  QAZAQTAN  67  MYŃ ADAMNYŃ  AJAL  QUSHÝYN NENDEI  QISYNDARMEN  TÚSİNDİRE  ALAR  EKENBİZ? Atqan Stalındik júıe ekendigi aıdaı bolǵanymen, ATQYZǴAN KİM?

31 MAMYR - otqa umsynǵan párýana kóbelekteı tyzaq qaqqan  OSY SAÝALDARǴA BARSHA QAZAQTYŃ UIAT PEN UJDAN ALDYNDA TİK TURYP JAÝAP BERETİN KÚNİ.

Ult bolyp uıysqan bolsaq, baıybyna endep, ÓZ İSHİMİZGE ÚŃİLİP, OQIǴADAN OI TÚIERMİZ. El bolýdan ketisken bolsaq, ÓZ minimizdi  taǵy da ÓZGEGE jabarmyz. Orysty, onyń ishinde Lenın men Stalındik júıeni tildep, suńqyldaǵannan  shyqqan qazaqtyń  múıizi káni?

 Oılansaq netti...