Búgin Ǵ. Músirepov atyndaǵy Qazaq memlekettik akademıalyq balalar men jasóspirimder teatry - Qazaqstan halyqtary Assambleıasynyń 20 jyldyǵy men 1 maýsym – Halyqaralyq balalardy qorǵaý kúnine arnalǵan merekelik konsert ótkizdi.

Almaty qalasy № 4 oqýshylar úıiniń «Móldir» bı ansambli, Orys halyq áni teatrynyń janyndaǵy «Semıránochka» balalar án ansambli, Almaty qalasy Ózbek etno-mádenı ortalyǵynyń ónerpazy - Ismaılova Hadıcha, Almaty qalasy «Daı Mohk» Sheshen etno-mádenı ortalyǵynyń bıshileri áýezdi ánderi men tamasha bılerin tartý etti.

Merekelik is-shara sońynda «Halyqtar dostyǵyna» arnalǵan BIdi etno-mádenı ortalyqtardyń ónerpazdary men teatr artıseri birigip oryndady.

İs-shara sońynda, barlyq qatysýshylarǵa teatr ujymy atynan alǵys hattar men bas demeýshi «Rahat» AQ atynan tátti syılyqtar tabys etildi.