Almaty oblysynda ımam zına jasap, otbasyly áıeldi ólimge dýshar etti (vıdeo)

/uploads/thumbnail/20190521160653342_small.jpg

2019 jyldyń 26 sáýir kúni Almaty oblysy Eskeldi aýdany Qaınarly aýyldyq meshit ımamy Qadir Ámbıeulynyń zorlyq-zombylyǵyna shydamaı, óz-ózine qol salǵan Nurǵıza Azathanqyzynyń jubaıy Esqat Áınekbekuly prezıdentke vıdeo joldady dep habarlaıdy Qamshy.kz aqparat agenttigi.

"Qazaqstan Respýblıkasynyń prezıdenti Qasym-Jomart Toqaev myrzaǵa, İshki ister mınıstri Erlan Turǵymbaevqa, QR Bas prokýrory Ǵızat Nurdaýlet myrzaǵa! Men Almaty oblysy, Eskeldi aýdanyna qarasty Qaınarly aýylynyń turǵynymyn. Esim-soıym - Esqat Áınekbekuly. Sizderge hat joldap otyrǵan sebebim - 2019 jyldyń 26-sáýirinde meniń jarym Nurǵıza Azathanqyzy aýyl moldasy Qadyr Ámbıeulynyń májbúrli túrde jynystyq qatynasqa tartyp, túrli haıýandyq áreketter jasaǵanyna shydamaı, óz-ózine qol jumsaýy. Zańda shekteý qoıylǵan áreketterge baryp, úsh balamdy jetim qaldyrýǵa sebepker bolǵan Qadir Ámbıeulyna tıisti jaza qoldanýlaryńyzdy suraımyn", - deıdi ashynǵan áke. 

Zorlyq- zombylyqqa shydaı almaı, ózin qurban etken áıeldiń artynda kúıeýi jáne úsh balasy qaldy. Esqat myrza zańdy quqyqtar aıasynda otbasynyń qaýipsizdiginiń qamtamasyz etilýin suraıdy. Esqat Áınekbekuly "ımam Qadirdiń ústinen qylmystyq is qozǵalyp, ol abaqtyǵa jabylsyn" deıdi.

Vıdeoda aýyl ımamymen Nurǵısa Azathanqyzynyń arasyndaǵy urys-keristiń de úzindileri bar. Atalmysh beınematerıalda anyq estilgendeı, aýyl moldasy Qadir Áınekbekulynyń áıelin súıip qalǵanyn, odan ózge eshkimdi kóre almaıtynyn aıtqan. Sáıkesinshe, óz qalaýyn, óz aıtqanyn qylmasa, óltiretinin jetkizgen. 

Al Nurǵıza Azathanqyzy óz kezeginde kúıeýine qastandyq jasaı almaıtynyn, ony aldaýǵa dáti shydamaıtynyn jetkizip, birjola ólimge bas tikkenin jáne óziniń ólimine Qadir Ámbıeulynyń kináli ekenin aıtady. 

"...Men sizge aıtyp kele jatyrmyn ǵoı. Men Esqatty aldap júre almaımyn. Siz er-azamatsyz ǵoı. Túsinip, bir sheshim shyǵarsańyzshy", - dep jalynady áıel vıdeodaǵy daýystyq habarlamasynda. 

Buǵan jaýap retinde molda óziniń de otbasynyń oıran bolǵanyn, kelisim berýin, kelisim bermese bul nársege tóze almaıtynyn jetkizip, qoqan-loqy kórsetedi. 

"Men eshkimge jar bolmaı-aq qoıaıynshy. Men ólemin. Men osyǵan bekidim. Men basqa sheshim kórip turǵan joqpyn. E, Alla, bir óziń Esqatqa jar bola gór! Seniń haıýandyǵyń meni osy jerge deıin apardy", - deıdi áıel sheshimdi hatynda jylap turyp. 

Ázirge İshki ister mınıstrligi de, QMDB da eshqandaı resmı málimdeme jasaǵan joq. Jeli qoldanýshylary oqıǵanyń sumdyq ekenin, qylmys jasaǵan tarap anyqtalyp, zań boıynsha eń qatań jazany alýy kerek dep jarysa jazýda. 

Oqı otyryńyz: 

Qaınarlydaǵy qaıǵyly oqıǵa: Moldany qandaı jaza kútpek? (fotoreportaj)

Daıyndaǵan: Bek Baıtas

Qatysty Maqalalar