Marat Shıbutov, Aıdos Sarym, Andreı Morgýnov jáne t.b. Almaty qalasynyń Qoǵamdyq keńes músheleri táýelsizdikke qol jetkizgen jyldary elimizdiń ótkergen joly jóninde, áleýmettik máselelerdiń sheshilý joldary týraly aıta otyryp, almatylyqtar men qazaqstandyqtardy saılaýǵa qatysyp ózderiniń azamattyq ustanymyn bildirýge shaqyrdy.
Ásirese úndeýde Almaty qalasy – saıası mádenıeti men tarıhy bar elimizdiń mádenı, ǵylymı, saıası jáne ekonomıkalyq ortalyǵy bolyp esepteletindigi aıtylǵan. Megapolıste Qazaqstan táýelsizdiginiń negizi qalandy.
Qazaqstan Konstıtýsıasyna sáıkes Qazaqstan Respýblıkasy Prezıdentiniń kezekten tys saılaýy jarıalandy. Saılaýǵa qatysatyn barlyq taraptar men qatysýshylarǵa úlken jaýapkershilik artylǵan. Osyǵan oraı Almaty qalasynyń Qoǵamdyq keńes músheleri turǵyndardy 9 maýsymda óz konstıtýsıalyq saılaý quqyǵyn qoldanýǵa shaqyrady. Árbir azamat saılaý ýchaskelerine kelip óz tańdaýyn jasaý qajettigin meńzedi.
