Astanada ótetin «MÝZ-TV 2015. Gravıtasıa» atty aýqymdy sharaǵa qatysty áleýmettik jelilerde synı pikirler aıtylyp, oǵan «mádenı ekspansıa» degen baǵa berýshiler tabyldy. Ásirese, jýrnalıser qaýymy bul taqyrypty qyzý talqylap, óz kózqarastaryn batyl bildirip jatyr. Máselen, Almas Altaı esimdi belgili jýrnalıs feısbýktaǵy jeke paraqshasynda Qydyráli Bolmanov, Sáken Maıǵazıev, Meırambek Besbaev syndy tanymal ánshi, prodúserlerge arnalǵan jazba qaldyryp, jaýap berýlerin suraǵan edi. Kóp ýaqyt ótpeı Sáken Maıǵazıev esimdi qoldanýshy feısbýkte jýrnalıserge arnalǵan jaýap qaldyrdy. Onda bylaı delingen:
«Qymbatty tórtinshi bılik ókilderi!Dattaryńyz oryndy. Saýaldaryńyz salmaqty. Jaýap beremiz, Qazaq úshin sóıleýden tartynǵan kezim bolǵan emes. Premıanyń ózine áýelden qarsymyn, MýzARTtyń atynan aıtaıyn, Biz BARMAIMYZ! Premıasy ózine, ol Qazaqtyń MýzARTqa degen mahabbatynan bıik emes. Qazaqtyń mádenıetin, halyqtyq mýzykasyn, dástúrli ánin dáripteý, mine, Bizge osy abyroı! Oılańyzshy, «Gákký» telearnasy Bakýge, Tbılısıge, bolmasa Varshavaǵa baryp osyndaı shara jasaı alar ma edi? Olar kirgizbeıdi. Aýmaq, terıtorıa, ár halyqtyń ózindik jeke mádenı keńistigi degen nárse bar. Meniń, MýzARTtyń aıtary mynaý: Qazaqqa paıdań tımese, jónińe júr, zıanyń tımesin!» (https://www.facebook.com/saken.sozak?fref=ts)
aynaline.kz
