Ýkraına prezıdenti Vladımır Zelenskıı halyq depýtattaryn saılaý týraly zań jobasyn qabyldamaǵan Joǵary Radanyń sheshimine qatysty pikir bildirdi dep habarlaıdy Qamshy.kz aqparat agenttigi RIA Novostıge silteme jasap.

"Kári saıasatkerler eski júıeni tańdady, osy ǵana olardyń saıası ómirlerin uzartýlaryna kómektese alady", - dep jazdy prezıdent Facebook paraqshasynda.

Sársenbi kúni ótken Rada otyrysynda prezıdent usynǵan zań jobasyn 92 depýtat qoldaǵan. Atalmysh zań jobasy qabyldanýy úshin kem degende 226 daýys kerek.

Óziniń qabyldanbaı qalǵan qujatynda Zelenskıı qazirgi júıeniń keleńsizdik pen jemqorlyq týǵyzyp, jańa saıası kúshterdiń parlamentke kelýine kedergi keltirip otyrǵanyn da jazǵan.

"Men olardyń qatelesip otyrǵandaryna senimdimin, tipti majorıtarlyq aımaqtarda da eldi sózimen emes, isimen ózgertýge qabiletti jańa saıasatkerlerdi tańdaıdy degen oıdamyn", - dedi memleket basshysy.

Aýdarǵan: Dáýren Sybanbaı