Reseılik aralas jekpe-jek sheberi Habıb Nurmaǵamedov qasıetti Ramazan aıyndaǵy jattyǵý jumystary týraly aıtyp berdi. Bul týraly Qamshy.kz aqparat agenttigi Lenta.ru saıtyna silteme jasap habarlaıdy.
Qazirgi ýaqytta Nurmaǵamedov amerıkalyq Dastın Poremen bolatyn básekege daıyndyq jumystaryn bastap ketken kórinedi. Degenmen, reseılik bylǵary qolǵap sheberi tyńǵylyqty daıyndalyp jatqan kezdesý áli kúnge deıin resmı bekitilgen joq, biraq Habıb bul kezdesýdiń bolatynyna tolyq senimdi.
Aýyzy berik sportshy oraza kezinde jattyǵý jumystarynyń kúnine eki mezgil júrgiziletinin málimdedi.
"Kúni boıy eshteńe iship-jemeıtindikten abaılap jumys jasaýǵa týra keledi. Aǵza álsireıdi. Bulshyq etterdi, býyndardy qataıtatyn jattyǵýlarǵa basymdyq beremiz. Kóbine sharshy alańǵa shyqpaýǵa tyrysamyz", - dedi ol.
30 jastaǵy reseılik jýan judyryqtyń enshisinde 27 jeńis bar. Ol qos iri týrnırde (MMA men UFC) birde-bir ret jeńilis dámin tatpaǵan.
Habıb Nurmaǵamedov – UFC-diń jeńil salmaqtaǵy chempıony. Reseılik óziniń osy tıtýlyn sońǵy ret Konor MakGregormen judyryq túıistirip qorǵap qalǵan edi.
Aýdarǵan: Ádilet Mádenıet
