22 mamyrda Italıanyń Sıena qalasynda aýdarylǵan avtobýs ishinde 9 qazaqstandyq bolǵan. Bul týraly Qazaqstan Syrtqy ister mınıstrligi málimdedi dep jazady Qamshy.kz aqparat agenttigi.

Qazaqstan Syrtqy ister mınıstrligi zardap shekkender arasynda 9 qazaqstandyq baryn málimdedi.  

"Beseýi aýrýhanaǵa jatqyzyldy, tórt adam qonaqúıge ornalastyryldy. Zardap shekken qazaqstandyqtardyń keıbiriniń omyrtqasy, buǵanasy men qabyrǵasy synǵan, deneleri soǵylǵan",- dedi mınıstrlik.

Aıta keteıik, týrıser otyrǵan avtobýs Sıenadan Florensıaǵa bara jatqan jolda Monterıggonı qalasy mańynda apatqa ushyraǵan. Kýágerler sózinshe, avtobýs joldan shyǵyp ketip, saıǵa qulap, aýdarylǵan. Aldyn ala derek boıynsha, apatqa sol mańda qalyń nóser jaýyp, joldyń taıǵanaq bolýy sebep.

Eskerte keter bir jaıt, zardap shekken qazaqstandyqtar týraly Qazaqstan Respýblıkasynyń Italıadaǵy elshiligine habarlasý kerek: +390636301130.

Usynǵan: Mıat Káshibaı