Ýkraına prezıdenti Vladımır Zelenskıı "smartfon ishindegi memleket" baǵdarlamasyn júzege asyrýdy armandaıtynyn málimdedi dep habarlaıdy Qamshy.kz aqparat agenttigi RIA Novostı saıtyna silteme jasap.
"Meni ańǵal, qıalı adam dep oılaı berińizder. Biraq biz "smartfon ishindegi memleketti", "smartfondaǵy úkimetti" shynymen de jasaǵymyz keledi. Onyń ýaqyty keldi", - dep málimdedi Zelenskıı ınternet-ınnovasıa forýmynda.
Onyń aıtýynsha, bul baǵdarlama 4 deńgeıdi qarastyrady: memleket týraly aqparat, memleketpen baılanys ornatý, memlekettik mámileler jáne memlekettik basqarýǵa qatysý.
"Mysaly, jumysqa ketip bara jatyp tek jańalyqtar oqyp, aýa-raıyn bilip qana qoımaısyń, qandaı zań jobalary qabyldanyp jatqanyn baqylaısyń jáne olardy ózgertýge aralasa alasyń, kimder taǵaıyndalyp jatqanyn bilesiń, osynyń barlyǵyna óziń ózgertý engizýińe bolady, keremet emes pe?! Sol sebepti men shynymen de "smartfondaǵy memleketti" armandaımyn, bizdiń Ýkraına álemde birinshi bolǵanyn qalaımyn", - dedi Zelenskıı.
Daıyndaǵan: Marjan Sábet
