Atyraý qalasyndaǵy oblystyq perzenthanada jańadan bosanǵan áıel qaıtys boldy. Qaıǵyly oqıǵa týraly marqumnyń Isataı aýdanyndaǵy týystary aıtty  dep jazady Qamshy.kz aqparat agenttigi Tengrinews.kz saıtyna silteme jasap.

"Ol úsh jyl boıy bala kótere almaı júrgen. Biraq ol balasyn bosanyp, tipti sábıin tamaqtandyrdy da, biraq tórt saǵattan keıin bizge dáriger onyń qaıtys bolǵanyn aıtty, túsiniksiz",–  dedi marqumnyń kúıeýiniń úlken aǵasy.

Bul jaǵdaıdy oblystyq densaýlyq saqtaý basqarmasy rastap otyr. Oblystyq densaýlyq saqtaý basqarmasynyń basshysy Mánshúk Qudaıbergenqyzynyń aıtýynsha, dárigerler balany operasıa arqyly anasynyń ishinen kesip alǵan. 

"Balanyń ómiri men densaýlyǵyna qaýip tóndi. 30-ǵa jýyq dáriger onyń ómiri úshin kúresip, hırýrgıalyq operasıa jasaldy. Ota jasaýǵa tájirıbeli dárigerler tartylǵan. Basynda bári oıdaǵydaı edi.  4-5 saǵat ótkennen keıin áıeldiń jaǵdaıy nasharlaı bastady. Ne sebepten qaıtys bolǵany zertteý jumystarynan keıin anyqtalady", –  dedi densaýlyq saqtaý basqarmasynyń basshysy.

Usynǵan: Mıat Káshibaı