Qaraǵandydaǵy jel ushyrǵan batýttyń ıesi tótenshe jaǵdaılar departamentiniń burynǵy qyzmetkeri ekeni anyqtaldy dep jazady Qamshy.kz aqparat agenttigi Tengrinews.kz saıtyna silteme jasap.

"Ol órtke qarsy bólimderdiń biriniń basshysy bolǵan. Biraq 20 mamyrda ol ózin jumystan bosatý týraly aryz jazǵan", – dep habarlady vedomstvonyń baspasóz qyzmeti. 

Esterińizge sala keteıik, 25 mamyrda Qaraǵandy ​​qalasynyń ortalyq saıabaǵynda balalar oınaıtyn úrlemeli batýtty qatty turǵan jel ushyryp, sonyń saldarynan bir bala qaıtys bolyp, eki bala aýrýhanaǵa jetkizilgen. Qazir ekeýi de jansaqtaý bóliminde jatyr.

Osy oqıǵaǵa baılanysty 40 jastaǵy Qaraǵandy qalasynyń ​​turǵyny ýaqytsha ustaý ızolátoryna qamaldy. Onyń ústinen 306-baptyń 3-bólimi (Qaýipsizdik talaptaryna sáıkes kelmeıtin jáne adam ólimine ákep soqqan qyzmetterdi usyný) boıynsha qylmystyq is qozǵaldy. 

Usynǵan: Mıat Káshibaı