Emdelý úshin anasy jáne baýyrymen birge Úndistanǵa ketken Almatylyq Dıana Ystybaeva sol jaqta kóz jumyd dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.
Qaterli isikke shaldyqqan qazaqstandyq Dıana Ystybaeva Úndistanda kóz jumdy. Bul týraly syrtqy ister mınıstrliginiń resmı ókili Aıbek Smadıarov aıtty.
"Ókinishke qaraı, ol keshe qaıtys boldy. Qazir biz onyń denesin memleket esebinen Qazaqstanǵa jetkizý úshin barlyq qajetti kómekti kórsetip jatyrmyz", - dedi Smadıarov syrtqy ister mınıstrliginde ótken brıfıńte.
Aıta ketsek, 23 jastaǵy almatylyq Dıana Ystybaeva emdelý úshin anasy jáne baýyrymen birge Úndistanǵa ketken edi. Alty jyl buryn dárigerler oǵan "shyntaq býyny sarkomasy" dıagnozyn qoıypty. Dárigerler qyzdyń qolyn ıyǵyna deıin kesip tastaýǵa májbúr bolǵan.
Alaıda úndistandyq dárigerler qazaqstandyq boıjetkenge kómek kórsete almady. Aýrý ábden asqynyp ketken.
Almatylyq qyzdyń sońǵy tilegi elge oralý bolatyn.
Usynǵan: Maqpal Sembaı
