Paris Kazakspor fýtbol klýbynyń 14 jigiti erteń Elordadaǵy Q.Muńaıtpasov atyndaǵy stadıonda óner kórsetetin bolady. 11 maýsym kúni Qaraǵandy qalasynda «Shahterdiń» qosalqy komandasymen saıysqa túsetin qandastarymyz maýsymnyń 15-inde Shymkent qalasyna baryp, «Ordabasynyń» qosalqy komandsymen kezdespek. 18 maýsymda Almaty qalasynda týrnır ótkizetin komandanyń qarsylastary aldaǵy ýaqytta anyq bolady. 1986 jyly qurylǵan Paris Kazakspor fýtbol klýby búginde Fransıa fýtbol federasıasynyń 7-lıgasynda óner kórsetedi. Qandastarymyz «Parıj» jáne «Il-de-Frans» kýboktaryn jeńip alǵan. Aıta keteıik, bul ret Parıj qazaq fýtbolshylary Qaraǵandydaǵy «Nátıje» sút fabrıkasynyń bas dırektory Erlan Áshimniń jáne «Otyrar-Group» kompanıasynyń dırektory Ábdimájıt Syzdyqbekov pen Partners Foundation kompanıasynyń basshysy Tileýjan Tileshovtyń demeýshi bolýymen atajurtta tuńǵysh ret oıyn kórsetkeli otyr.