Qytaıda bıyl 9 mılıon 420 myń oqýshy joǵary mektepke túsý emtıhanyn tapsyrdy, (bizshe UBT) bul Qazaqstanda turatyn qazaqtardyń jalpy sanyna taıaý.

Al endi Qytaıda bul emtıhan qalaı ótedi? Osyǵan azdap toqtalsaq. Túlek jalpy 6 pánnen emtıhan tapsyrady, oqýshynyń tańdaǵan baǵytyna (qoǵamdyq nemese jaratylystaný) sáıkes pánderinde ózgeshelikter bolady, ádebıet, matematıka, shet tili bul úsheýi eki baǵytqa da ortaq, qoǵamdyq baǵytty tańdaǵandar joǵarydaǵy 3 pánge qosa tarıh, saıasat, geografıa pánderinen tapsyrsa, jaratylystaný baǵytyn tańdaǵandar bıologıa, fızıka, hımıany qosa tapsyrady.

Emtıhan memleket boıynsha bir mezgilde bas aıaǵy 3 kúnge jalǵasady. Ár kúni eki pánnen tapsyrady, ár pánniń emtıhan tapsyrý ýaqyty 120 mınýtqa sozylady, sonda oqýshy 12 saǵat emtıhan tapsyrady degen sóz.

Emtıhan suraqtarynyń formasy birneshe túrli;

• ·Durys bir ǵana jaýabyn tabý (test).
• ·Birneshe durys jaýabyn tabý.
• ·Bos oryn toltyrý.
• ·Suraqqa jaýap jazý.

. Shet tiliniń emtıhan suraqtary. . Tarıh pániniń suraqtary . Matematıka pániniń suraqtary Budan syrt shet tili men ádebıet pánderinde shaǵyn shyǵarma jazý tapsyrmasy bar. Ár tapsyrmaǵa qansha bal beriletindigi kórsetilip turady. Ár pánniń tolyq baly 150 bal, 6 pándiki 900 bal. Jyl saınǵy bilim kórsetkishine baılanysty, oqýshylardyń joǵarǵy oqý ornyna túse alatyn eń tómengi shegi belgilenedi. Osy eń tómengi shekten ótseńiz de tańdaǵan ýnıversıtetińizde aqy tólep oqısyz, nege deısiz ǵoı, óıtkeni qytaıda grantpen oqý degen uǵym joq, barlyǵy stýdent aqyly bólimde oqıdy, deıturǵanmen stýdent ózin oqytýǵa ketetin qarjynyń belgili bir bólimin ǵana tóleýge mindetteledi, qalǵanyn úkimet kóteredi. , Sýretter www.gaokao.com saıtynan alyndy. Qasen Serjan