Qıanatqa men qalaısha tózermin?
Kóne almaımyn aldaý menen aıdaýǵa:
Alash Orda, Jeltoqsan men Ózenniń
Rýhy qoldap men túsemin saılaýǵa!

Qazaǵymdy kútip alǵaı jarqyn kún,
Jaıylmasyn jemqor jaǵa jaılaýǵa!
Bılik sezsin bar ekenin Halqymnyń -
Sondyqtan da men túsemin saılaýǵa!

Bile bilseń, el qalaýy – kıeli!
Qalyp qoımaı adamzattyń kóshinen -
Bir adamǵa tabynǵan bul júıeni
Parlamenttik formaǵa men kóshirem!

Jaqsy ómir kerek búgin, tirige!
Jyly sózben jubatamyn sherlini!
Tabyndyryp «Halyq» degen pirine
Táýbasyna keltiremin shendini!

Halqym, meni bas bılikke ókil et!
Syn saǵatta tanytarsyń danalyq!
Otyz jyldaı ózgermedi ókimet
Qazaǵyma kerek-aý bir jańalyq!

Jeti adam talasty bir orynǵa
Bul kúnderi úmitpenen qaýyshty el:
Endi bári saılaýshynyń qolynda -
Alash jurtym! Óz ulyńa daýys ber!