Mamyr aıynyń 28-31 kúnderi "Jýsan" operasıasynyń sońǵy kezeńi júzege asyryldy. Bul týraly 31 mamyrda Qazaqstan prezıdenti Qasym-Jomart Toqaev málimdedi dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Qazaqstan azamattaryn Sırıadan qaıtarý «Jýsan" arnaıy operasıasynyń úshinshi kezinde Sırıadan 67 áıel adam, 171 bala, onyń ishinde, toǵyzy jetim, elge qaıtarylǵan. Olar biraz ýaqyt ońaltý ortalyǵynda bolady. Aqordanyń baspasóz qyzmeti úsh kezeńnen turǵan "Jýsan" operasıasynyń aıaqtalǵanyn habarlady.

Buǵan deıin 9 qańtarda burynǵy prezıdent Nursultan Nazarbaev "Jýsan-1" arnaıy operasıasy nátıjesinde Qazaqstannyń 47 azamaty Sırıadan oralǵanyn málimdegen. 7 jáne 9 mamyr kúnderi "Jýsan-2" operasıasy aıasynda Sırıadan Qazaqstannyń 231 azamaty elge jetkizilgen. Olardyń 159-y – bala.

QR prezıdenti Qasym-Jomart Toqaev «Jýsan-3» operasıasynyń sátti aıaqtalǵany týraly málimdeme jasady.

"Meniń tapsyrmam boıynsha 28-31 mamyrda «Jýsan» arnaıy gýmanıtarlyq aksıasynyń sońǵy kezeńi tabysty ótti. Sırıadan otandastarymyzdyń kezekti toby oraldy. Qazaqstannyń memlekettik qurylymdarynyń júıeli jumystarynyń jáne sheteldik seriktestermen tyǵyz yqpaldastyqtyń arqasynda qaqtyǵys aımaǵynan 171 bala shyǵaryldy. Qazaqstanǵa oralǵan soń, olar ońaltý sharalarynan ótip, barlyq qajetti kómek alatyn arnaıy beıimdeý ortalyǵyna ornalastyryldy.

Jýsan» gýmanıtarlyq operasıasy – aýqymdy aksıa. Bul bastamany Tuńǵysh Prezıdent – Elbasy Nursultan Nazarbaev usyndy jáne byltyrdan beri júzege asyrylýda. Keshendi sharalar nátıjesinde qaqtyǵys aımaǵynan Otanymyzǵa 357 bala qaıtaryldy. Balalardyń qaýipsizdigin qamtamasyz etý «Jýsan» operasıasynyń basty maqsaty boldy.

«Jýsan» gýmanıtarlyq operasıasynyń qorytyndylary memleketimizdiń óte kúrdeli mindetterdi tıimdi sheshýge qabiletti ekenin kórsetti.

Osy operasıaǵa qatysqan arnaıy qyzmet ókilderiniń, dıplomattardyń, áskerılerdiń bárine tapsyrylǵan jaýapty mısıany abyroımen oryndaǵany úshin alǵys bildiremin.

Elge oralǵan otandastar jańa ómir bastaýǵa, al balalar beıbit ómir súrýge múmkindik aldy.

Biz óz azamattarymyzdyń quqyqtary men qaýipsizdigin aldaǵy ýaqytta da qorǵaıtyn bolamyz" degen memleket basshysy málimdemesinde. 

«Jýsan-3» operasıasy Sırıadan qazaqstandyq» azamattardy elge jetkizý boıynsha keshendi gýmanıtarlyq operasıasy barysynda elge jalpy 516 qazaqstandyq jetkizildi. Onyń 357-si bala.

Usynǵan: Maqpal Sembaı