Qazaqstan prezıdenti Qasym-Jomart Toqaev "Rossıa" arnasyndaǵy "Vestı Nedelı" baǵdarlamasyna bergen suhbatynda Reseı Federasıasynyń basshysy Vladımır Pýtınmen qalaı tanysqanyn aıtty dep habarlaıdy Qamshy.kz aqparat agenttigi sputniknews.kz saıtyna silteme jasap.
"Vladımır Vladımırovıch Pýtınmen Kıevte tanystym. Meni prezıdent Kýchmany (Leonıd Kýchma - Ýkraınanyń ekinshi prezıdenti) ulyqtaý saltanatyna jibergen bolatyn, ol kezde Vladımır Vladımırovıch Pýtın jańadan premer-mınıstr, Reseı Federasıasy úkimetiniń tóraǵasy bolyp taǵaıyndalǵan", - dedi Qazaqstan basshysy.
Toqaev Ýkraına prezıdentin ulyqtaý saltanatynda Pýtınmen birneshe mınýt sóıleskenin eske aldy.
"Sol kezdiń ózinde ol (Vladımır Pýtın - Sputnik) maǵan sabyrly bolmysymen jaqsy áser qaldyrdy. Keıin ol Reseı prezıdenti mindetin ýaqytsha atqarýshy bolǵan kezde Kremlde kezdestik, sodan beri baılanysymyz úzilgen emes", - dep habarlady Toqaev.
Qazaqstan prezıdentiniń pikirinshe, memleketaralyq qatynastar onsyz da jaqsy bolǵanyna qaramastan, jeke qarym-qatynas óte mańyzdy.
"Meniń Reseı basshylyǵymen, eń aldymen, árıne, Vladımır Pýtınmen qatynasýǵa múmkindigim bolady dep oılaımyn, oǵan shyn qurmetpen qaraımyn", - dep málimdedi Toqaev.
Aıta ketý kerek, Qasym-Jomart Toqaev Qazaqstan prezıdenti retindegi alǵashqy shetelge saparyn Reseıge jasady. Máskeýge sapary 3-4 sáýirde ótti. Toqaev óziniń alǵashqy resmı saparynyń tereń sımvoldyq máni bar ekenin jáne eki el arasyndaǵy qarym-qatynas erekshe mártebege ıe ekenin atap ótti.
Pikir qaldyrý