İshki ister mınıstri Erlan Turǵymbaev "Han Shatyr" saýda-oıyn-saýyq kesheni basseıininde kóz jumǵan on jasar qyz balanyń oqıǵasy týraly málimdeme jasady dep habarlaıdy Qamshy.kz aqparat agenttigi Tengrinews.kz saıtyna silteme jasaı otyryp.

"Keshe qylmystyq is qozǵaldy. Shyn máninde, ol – mektep ákimshiligi uıymdastyrǵan balalardyń jazǵy lageri. Keshe 30 bala baseınde júzip, qaıǵyly oqıǵa oryn aldy, qyz sýǵa ketti. Qazir qutqarýshynyń qaı jerde júrgenin, nege der kezinde shara qoldanbaǵanyn anyqtap jatyrmyz. Uıymdastyrýshylardyń jaýapkershiligi týraly másele óte kóp, lagerdi jasaqtap, qaýipsizdikke mán bermegen sekildi.",- dedi mınıstr Úkimet otyrysynan keıin jýrnalıserdiń suraqtaryna jaýap bere otyryp.

Onyń aıtýynsha, beınebaqylaý kameralarynyń jazbalary zerttelip, sot-medısınalyq saraptama júrgizilýde. Bilim jáne ǵylym mınıstri Kúlásh Shamshıdınova BǴM qyzmetkerleriniń oqıǵa ornynda bolǵanyn habarlady.

"Balalardy júzýge úıretýdi uıymdastyrý boıynsha BǴM men İİM buıryǵy bar. Mundaı jumystar júrgizilýde. Jazǵy lagerlerde jumys isteıtin adamdarǵa keletin bolsaq, árbir muǵalim balalardyń qaýipsizdigi úshin jaýapty, sondyqtan olar oqýdan ótedi. Mektep lagerleri burynǵy rejımde jumys isteıtin bolady. Qatańdyqqa kelsek, biz adamdardy jınadyq, taǵy da buıryqtar qalaı bolýy kerektigin túsindirdik", - dedi mınıstr.

Nur Sultan qalasynda 3-maýsym kúni "Han Shatyr" saýda-oıyn-saýyq ortalyǵynyń baseıninde on jastaǵy qyz sýǵa batyp ketti. Ol № 10 orta mektepte birinshi synypty bitirip, kóp balaly otbasynda úlken bala bolǵan. Bala baseınge lager tobymen barǵan.

Polısıa "balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý" qylmystyq kodeksiniń 141-baby boıynsha isti tergeıdi.

Aýdarǵan: Bek Baıtas