Nur-Cultanda 4 maýsymda "Nur Otan" partıasynyń ortalyq ǵımaratyna "sot úkimine narazymyz" degen adamdar jınalyp, shaǵymdaryn jetkizdi dep jazady Qamshy.kz aqparat agenttigi “Azattyq Radıosyna” silteme jasap.

Bul jıynǵa sot sheshimine narazy ondaǵan adam jınalǵan. Olardyń ishinde «zańsyz sot sheshiminiń negizinde jalǵyz baspanasynan aıyryldyq», «balasynyń ólimin durys tergemedi», «jaqynyn jazyqsyz túrmege otyrǵyzdy» dep kelgender bolǵan. Narazylar Almaty, Kókshetaý, Petropavl men Pavlodar qalalarynan kelgen. “Azattyq” osy jıynnan tikeleı efır taratýda.

“Birneshe kún buryn «Nur Otan» partıasynyń atynan saılaýǵa túsip jatqan Qasym-Jomart Toqaevtyń bizben kezdesýin surap, resmı shaqyrý jibergenbiz. Búginge deıin eshqandaı jaýap kelgen joq. Sondyqtan ózimiz kelip, kezdeskimiz keledi. Biz – zańsyz sot sheshimin qaıta qaraý úshin arnaıy komısıa qurýdy talap etemiz”, - deıdi osy jıynǵa qatysýshy Sanavar Zakırova.

Nur-Sultan qalasynda júrgen almatylyq belsendi Sanavar Zakırova áýelde ózin polıseıler torýyldap, «Nur Otan» partıasynyń ǵımaratyna barýyna kedergi keltirgenin aıtady.

Jınalǵandar aldyna "Nur Otan" partıasynyń respýblıkalyq qoǵamdyq qabyldaýy basshysynyń orynbasary Arystanǵalı Sansyzbaev shyǵyp, shaǵymdardy tyńdady. Ol jıynda aıtylǵan ótinish, shaǵymdardyń tıisti jerine jetkiziletinin aıtty.

Arystanǵalı Sansyzbaev prezıdent Toqaevtyń jumys saparymen el aralap júrgenin jáne osy jıyn jaıly bilmeıtinin aıta kelip, jınalǵandarmen kezdesý múmkindigin joqqa shyǵardy. Belsendi Sanavar Zakırova shaǵynǵan adamdardyń aryzy boıynsha komısıa qurý týraly

 "Nur Otan" partıasyna 15 mamyrda jáne 24 mamyrda ótinish túsirgenin aıtty. Ol jınalǵan adamdar prezıdent Toqaevpen kezdespeı tarqamaıdy deıdi. Jınalǵandar tarqamǵan soń olardyń aldyna "Nur Otan" partıasy ortalyq apparatynyń basshysy Mádı Ospanov ta shyǵyp, zań oryndary ókilderimen kezdesý uıymdastyrylatynyn aıtty.

Usynǵan: Ildar Adılchenov