Facebook jelisinde tanymal aqyn Baltabek Nurǵalıev ózin orystyń uly aqyny Pýshkınmen salystyratynyn aıtty. Bul týraly ol Youtube jelisindegi "Ýaqyt kórsetedi" baǵdarlamasyna bergen suhbatynda aıtqan dep jazady Qamshy.kz aqparat agenttigi. 

Baltabek Nurǵalıev - Qazaqstannnyń Tuńǵysh prezıdenti Nursultan Nazarbaev pen onyń jaqyndaryna hám Nazarbaev qurǵan bılik júıesindegi sheneýlikterge shyǵarǵan madaq jyrlarymen tanylǵan aqyn. Ol atalǵan jyrlarynda N.Nazarbaevty "Qudaıǵa", onyń inisi Bolat Nazarbaevty "Qazaqtyń baıteregine" teńep, kópshiliktiń synyna qalǵan.

"Ýaqyt kórsetedi" baǵdarlamasyna bergen suhbatynda Baltabek aqynnyń kózine jas kelip ishindegisin aqtardy. Ol madaq jyrlardyń bárin shyn júregimen shyǵaratyn jáne ol úshin laýazymdy tulǵalardan eshqandaı syı-sıapat "dámetpeıtin" aıty.

"Meniń tilime 18 myń ǵalam syıyp tur" degen aqyn biraz jyl buryn dertke shaldyǵyp, tili baılanyp qalǵanyn jáne júreginde bir muńnyń bar ekenin jasyrmady.

Suhbat sońynda ol eger bul dúnıemen qoshtasyp bara jatqanda sońǵy sózin aıtyp qalatyn múmkindik berilse: "Menimen oınamańdar dep aıtamyn", -dedi.

Vıdeo Youtube jelisindegi "Ýaqyt kórsetedi" arnasynan alyndy