Búgin Qazaqstanda prezıdent saılaýy aldyndaǵy tynyshtyq kúni jarıalandy dep habarlaıdy Qamshy.kz aqparat agenttigi.

Tynyshtyq kúni zań boıynsha saılaýaldy úgitke tyıym salynǵan. Kez kelgen úgit jumysy zańsyz sanalady.

Sondaı-aq, tynyshtyq kúni jáne saılaý kúni qazaqstandyqtarǵa kandıdattyń atyn aıtpaı, jalpy saılaýǵa qatysýǵa úndeý jarıalaýǵa bolady. Kimge daýys beretinin aıtpaı, saılaýǵa baratynyn da habarlaı alady.

Nemese kimge daýys bergenin aıtpaı, sol kúni saılaýǵa qatysqanyn málimdeýge bolady.

Qazaqstandyqtar erteń, 9 maýsym kúni tańǵy 07:00-den keshki 20:00-ge deıin qalaǵan kandıdatyna daýys bere alady. Qazaqstan boıynsha saılaý ýchaskeleriniń jalpy sany – 9 970 (48 ýchaske 06:00-de ashylady).

Osy joly Ortalyq saılaý komısıasy Qazaqstan prezıdenttigine jeti kandıdatty tirkedi:

• Qazaqstan komýnıstik halyq partıasy atynan Jambyl Ahmetbekov;
• "Aq jol" demokratıalyq partıasy atynan Danıa Espaeva;
• "Ult taǵdyry" qozǵalysy atynan Ámirjan Qosanov;
• "Aýyl" partıasy atynan Tóleýtaı Raqymbekov;
• Kásipodaqtar federasıasy atynan Amangeldi Taspıhov;
• Nur Otan partıasy atynan Qasym-Jomart Toqaev;
• "Uly dala qyrandary" qoǵamdyq birlestigi atynan Sádibek Túgel.

Ári qaraı oqý: https://sputniknews.kz/politics/20190608/10426709/Qazaqstan-8-mausym-tynyshtyq-kuni.html