Búgin Qazaqstanda kezekten tys prezıdent saılaýy támám boldy. Ekzıt-poll nátıjeleri  Nur Otan partıasynyń kandıdaty Qasym-Jomart Toqaevtyń basymdylyǵyn kórsetti dep jazady Qamshy.kz aqparat agenttigi. Bul týraly elordadaǵy Ortalyq komýnıkasıalar qyzmetinde ótken brıfıńte "Qoǵamdyq pikir" ınstıtýtynyń keńes tóraıymy Aınur Májıtova málim etti.

Ekzıt-poll nátıjesinde kandıdattardyń jınaǵan boljamdy daýysy men aımaqtardyń saılaýǵa qatysý paıyzy kórsetilgen. 

Qamshy.kz aqparat agenttigi oqyrmandarǵa qolaıly bolýy úshin ár kandıdattyń jınaǵan daýys paıyzyn ret-retimen kórsetpek. 

1. Qasym-Jomart Toqaev - 70,13 paıyz

2. Ámirjan Qosanov - 15,39 paıyz

3. Danıa Espaeva - 5,32 paıyz

4. Jambyl Ahmetbekov - 3,86 paıyz

5. Tóleýtaı Raqymbekov - 3,03 paıyz

6. Amangeldi Taspıhov - 1,41 paıyz

7. Sádi-Bek Túgel - 0,86 paıyz

"Qoǵamdyq pikir" ınstıtýty búgin kúni boıy saılaý ýchaskeleriniń shyǵa berisinde azamattarǵa áleýmettik zertteý Exit poll júrgizdi. Suhbattasýshylar 325 saılaý ýchaskesinde saýalnama júrgizdi. Onyń ishinde oblys ortalyqtyry men Nur-Sultan, Almaty jáne Shymkent qalalarynda 97 ýchaske, shaǵyn qalalarda 94 ýchaske, al aýyl okrýgterinde 134 ýchaske qamtyldy", - dedi Aınur Májıtova.

Eskertý!

Joǵaryda kórsetilgen paıyzdyq kórsetkishter "Qoǵamdyq pikir" ınstıtýtynyń saılaý ýchaskelerinde júrgizgen saýalnamasynyń nátıjesindegi ekzıt-poll kórsetkishi. Qatelesý múmkindigi - 3 paıyz.