Jaqynda ǵana mıtıń jaıly Rınat Zaıytovpen debatqa túsken Italıadaǵy oppozısıoner Turǵumbaı Erjan keshegi saılaýdan keıingi ekzıt-poll jaıly óz YouTube kanalynda málimdeme jasady dep jazady Qamshy.kz aqparat agenttigi. 

«Saılaýdyń qorytyndysy jarıalandy. Toqaev -70%, al Qosanov bolsa,15% aldy dep jarıalady bıliktegiler. Osydan bólek Qosanov túnde halyqqa úndeý jasady. Úndeýdi "prezıdent ákimshiligi jasasyn" dep májbúrlegen. Bul úndeýinde Qosanov shetelde otyrǵan opozısıa músheleri zańdy búliktirip, zańsyz mıtıńke shaqyryp jatqanyn aıtty. Jastarǵa da, basqalarǵa da zańmen jumys jasaýyn surady. Bul – ynjyq adamnyń isi. Qosanov saıasatker emes, ol – ynjyq. Onyń osylaı bolatyny jaıly basynda aıtqanmyn. Ynjyqtardan saıasatker shyqpaıdy. Ia, halyq aldandy. Eshteńe etpes, bul da bir sabaq bolar, ary qaraı kúresti jalǵastyrý kerek. Qosanov túnde jasaǵan úndeýimen óziniń bet perdesin ashty. Tek ózin emes, janyndaǵy toptyń da betin ashyp berdi. Olar – bajasy Ermurat Bapı, áriptesteri Serikjan Mámbetalın, Rasýl Jumaǵul, Dos Kóshim, onyń syrtynda Narymbaev bar. Mine, osylar óz abyroıynan aıryldy. Muny  saıası derek deýge bolady. JSDP, "Aqıqat" partıasy deıdi. Saıasatta adal adamdar jumys jasaýy kerek, qylmyskerlermen baılanyssań, aıaǵy osyndaı bolady»,- dedi oppozısıoner.