QR prezıdenti laýazymyna saılanýyna baılanysty Qasym-Jomart Toqaevtyń atyna quttyqtaýlar kelip túsýde dep jazady Qamshy.kz aqparat agenttigi. 

BUU 8-shi Bas hatshysy, Ónse ýnıversıtetiniń janyndaǵy Jahandyq is-qımyldar ınstıtýtynyń qurmetti tóraǵasy Pan Gı Mýn Qasym-Jomart Toqaevty jaýapty memlekettik laýazymǵa saılanýymen shyn júrekten quttyqtady. Jedelhatta Memleket basshysynyń BUU Jenevadaǵy bólimshesiniń Bas dırektory qyzmetin atqarǵan kezdegi jumys tájirıbesi, ártúrli múddeli taraptardy kelisimge keltirý qabileti Qazaqstandy órkendetýge septigin tıgizetinine senim bildirdi. 

«Qazaqstan qazirgi ýaqytta ornyqty damýy men ınklúzıvti ósimin aıqyn kórsetip kele jatqan biregeı memleket. Sizdiń dıplomatıany tereń túsinetinińiz elińizdegi memlekettik qurylys pen áleýmettik-ekonomıkalyq damýǵa yqpal etedi dep oılaımyn. Aldaǵy ýaqytta álemniń bolashaǵyn jarqyn qylý maqsatynda kúsh-jiger biriktirip, yntymaqtastyǵymyzdy jalǵastyra bergimiz keledi», – delingen jedelhatta. 

Daıyndaǵan: Ildar Adılchenov