Búgin Nur-Sultan qalasyndaǵy Qazaqstan ortalyq konsert zalynda ótken jańa prezıdentti ulyqtaý rásiminde ant berip, artynsha sóz sóılegen Qasym-Jomart Toqaev jańa memlekettik organ qurylatyny týraly aıtty dep habarlaıdy Qamshy.kz aqparat agenttigi.

"Men Qoǵamdyq kelisim ulttyq keńesin qurýǵa sheshim qabyldadym. Keńes quramyna qoǵamdaǵy barsha taptyń ókilderi, sonymen qatar, jastar kiredi. Jańa organnyń alǵashqy otyrysy tamyz aıyna josparlanǵan. Bılik halyq aldyndaǵy ýádesin oryndaýy tıis", - dedi Toqaev.

Onyń aıtýynsha, bıliktiń eń mańyzdy mısıasy – halyq birligi men eldegi turaqtylyqty saqtaý.

"Halyq birligin, eldegi turaqtylyqty osylaı ǵana nyqtaı alamyz. Sondyqtan, meniń saılaýaldy baǵdarlamamdaǵy josparlar boıynsha arnaıy jobalar daıyndalady. Olardy júzege asyrýdy de jedeldetý kerek. Halyq tarapynan kelgen úzdik ıdeıalar, usynystar osy qujatta kórinis tappaq. Túrli pikir, birikken ult – bul bizdiń basty baǵytymyz", - dep túıdi sózin jańa prezıdent.