Qazaqstanda Ulttyq qoǵamdyq senim keńesi quryldy dep habarlaıdy Qamshy.kz aqparat agenttigi Aqordanyń saıtyna silteme jasap.

"Qazaqstan Respýblıkasy prezıdentiniń janyndaǵy Ulttyq qoǵamdyq senim keńesi qurylsyn", - delingen qujatta.

Qazaqstan prezıdentiniń ákimshiligi bir aılyq merzimde saıası partıalar, úkimettik emes uıymdar kóshbasshylarymen, azamattyq sektor ókilderimen keńesti qalyptastyrý jáne onyń jumys tártibi máseleleri boıynsha konsýltasıalar ótkizýge, ótkizilgen konsýltasıalar qorytyndylary boıynsha Qazaqstan respýblıkasy prezıdentiniń qaraýyna keńestiń quramy men keńes týraly erejeni engizý tapsyryldy.  

Ulttyq qoǵamdyq senim keńesi nemen aınalysady?

Búgin Qasym-Jomart Toqaev Qazaqstan prezıdentin ulyqtaý rásiminde Ulttyq qoǵamdyq senim keńesi qurylatynyn málimdedi.

Memleket basshysy habarlaǵandaı, jańa organ bılik pen qoǵam arasynda dıalog ornatý úshin qurylady.

Keńeske jastardy qosa alǵanda barlyq qoǵam ókilderi kiredi. Ulttyq qoǵamdyq senim keńesiniń alǵashqy otyrysy 2019 jyldyń tamyzynda ótedi dep josparlanyp otyr.