Memleket qyzmet isteri jáne sybaılas jemqorlyqqa qarsy is-qımyl agenttigi eki vedomstvoǵa bólindi dep habarlaıdy Qamshy.kz aqparat agenttigi. Bul týraly aqparat Aqorda saıtynda jarıalandy. 

Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi Qazaqstan Respýblıkasynyń Memlekettik qyzmet isteri agenttigi bolyp ózgerdi. MQİA - memlekettik qyzmet júıesin jáne sybaılas jemqorlyqqa qarsy is-qımyldy odan ári jetildirý maqsatynda jumys isteıtin bolady. 

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy is-qımyl ulttyq búrosy (Sybaılas jemqorlyqqa qarsy qyzmet) QR Prezıdentine tikeleı baǵynatyn jáne esep beretin memlekettik organ retinde QR Sybaılas jemqorlyqqa qarsy is-qımyl agenttigi bolyp ózgerdi. 

Sybaılas jemqorlyqqa qarsy is-qımyl agenttigi sybaılas jemqorlyq qylmystyq quqyq buzýshylyqtaryn anyqtaýdy, jolyn kesýdi, ashýdy jáne tergeýdi júzege asyratyn quqyq qorǵaý organy bolady. 

Eki vedomstvo da QR Prezıdentine tikeleı baǵynatyn jáne esep beretin bolady. 

Qazaqstan Respýblıkasy Prezıdentiniń qaraýyna Qazaqstan Respýblıkasynyń Memlekettik qyzmet isteri agenttiginiń jáne Qazaqstan Respýblıkasynyń Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) tóraǵalarymen birlesip: agenttikter týraly erejelerdiń jobalaryn;

Osy Jarlyq qol qoıylǵan kúninen bastap qoldanysqa engiziledi.