Qazaqstan LRT qurylysy úshin Qytaıǵa 203 mıllıon dollar qaryz. Bul týraly elorda ákimshiliginde sóz boldy. Kólik jáne jol-kólik ınfrastrýktýralaryn damytý basqarmasynyń málimetinshe, bizdiń el jasalǵan jumystar úshin qarajatty qytaılyq kompanıadan qaryzǵa alǵan dep jazady Qamshy.kz aqparat agenttigi.

22 shaqyrym aýmaqty alyp jatqan qurylys alańyndaǵy árekettiń qaıta jandanar ýaqyty beımálim. Bir anyq – qurylys qaıta qarjylandyrý júzege asqannan keıin bastalmaq.

Eske sala keteıik, birshama ýaqyt buryn atalǵan jobany jergilikti ákimshilik pen Úkimet ishki qarjy kózderi arqyly jandandyrýdy kózdep otyrǵany málim bolǵan. Demek, jer ústi metrosy kelesi jyldyń ekinshi jartysynda qoldanysqa enýi múmkin.

Qazirge deıin atqarylǵan jumystardyń belgili bir bóligin qytaılyq kompanıa qarjylandyryp kelgen. İske asqan jumystyń quny – 203 mıllıon AQSH dollary.