«Nur Otan» partıasynyń «Ózińnen basta» respýblıkalyq aksıasy aıasynda Almaty oblysynyń ákimi Amandyq Batalov jáne onyń orynbasarlary óz kiristerin jarıalady, dep habarlaıdy Bnews.kz.
2014 jyly óńir basshysy Amandyq Batalov 18 mıllıon 778 myń teńge tabys tapty. Oblys ákiminiń birinshi orynbasary laýazymyna 2014 jyldyń qyrkúıek aıynda taǵaıyndalǵan Mahabbat Bıgeldıevtiń kirisi – 5 mln 644 myń teńge. Oblys ákiminiń orynbasary Serikjan Beskempirovtiń tabysy - 13 mln. 814 myń teńge. Oblys ákiminiń orynbasary Ǵalymjan Ábdiraıymovtyń kirisi 4 mln 983 myń teńge. Ol bul laýazymdy 2014 jyldyń qyrkúıek aıynan beri atqaryp keledi. Oblys ákiminiń orynbasary Serik Turdalıev 13 mln. 530 myń teńge tabys tapqan. Ótken jyldyń qarashasynda oblys ákiminiń orynbasary qyzmetine taǵaıyndalǵan Baqtıar Ónerbaev 2 mln 256 myń teńge tabys tapqan.
